كورواسون بالزبدة علي طريقة ناني
هنوضح النهاردة طريقة عمل كورواسون هش و تحفة بطريقة سهلة و بسيطة و موفرة كمان
المقادير
خمس كوبايات دقيق
معلقة كبيرة سكر
نص معلقة ملح
معلقة صغيرة خل
معلقة كبيرة خميرة
ربع كوباية زيت
كوباية ونص مية دافية
ربع كوباية نشا
بيضة
لبن
نسكافية
خل
الطريقة
- نضع السكر مع الملح و الخل و الزيت علي الدقيق و نعجن كويس لغاية لما العجين ميكنش ملزق و بعدين نغطيها و نسيبها نص ساعة .
- نحط كوباية دقيق مع ربع كوباية نشا للفرد
- بعد ما يعدي النص ساعة نعمل كرات من العجين
- نفرد الكرات علي شكل دائرة متوسطة و نجيب طبق نرشه بالدقيق و النشا و نحط اول دائرة و ندهنا بالزبدة ثم الثانية و هكذا لحد ما كل الكرات تترص فوق بعضها
- نحط زبدة فوق الوش علي الطبقات بعد ما تخلص كلها
- نضع الطبقات كلها في الفريزر ربع ساعة و بعد كدة نخرجها و نضغط عليها شوية بالنشابة و نساويها لحد ما تاخد شكل الدايرة كويس
- هنجيب قطاعة البيتزا و نقطع الدايرة مثلثات متساوية
- هنحشي العجين حسب الرغبة ممكن جبنة او شيكولاتة زي ما نحب و بعدين نقوم بلف العجين من قاعدة المثلث لقمته و لازم طرف الكوراوسون يكون تحت علشان ميفتحش معانا في التسوية
- هندهن وش الكورواسون بخليط من بيضة و معلقتين لبن و رشة نسكافية و نص معلقة خل و ندهن براحة و بعدين نرش سمسم او حبة البركة عليه علي حسب الرغبة او نسيبه كدا
- علي فرن حرارته 220 درجة مئوية هندخل الكورواسون لحد ما الوش يحمر
- نخرج الكورواسون و نرش الوجه بماء و نغطيه لمدة دقيقتين و ده علشان يبقي طري و هش من جوة و بالهنا و الشفا
.gif)
.gif)
تعليقات
إرسال تعليق